افغانستان کې د کورونا وېروس زیاتېدو پسې نړیوال بانک له دغه هېواد
سره سل میلیون ډالر بېړنۍ مرسته تصویب کړه، چې له دې وېروس سره یې مقابله کې
وکاروي.
دا مالي اداره د جمعې په ورځ د اپرېل ۳ یوه اعلامیه کې وايي:
دا مالي مرسته د افغانستان ۳۴ ولایتونو کې له کورونا وېروس سره د مقابلې
لپاره د روغتیايي خدمتونو د پیاوړتیا لپاره ده.
نړیوال بانک زیاتوي، دا مرسته به پر کورونا اخته کسانو، د دې
ناروغۍ له خطر سره مخ افغانانو، ډاکټرانو، روغتیاپالو، روغتونونو او لیبارټریو
ولګول شي.
افغانستان کې د نړیوال بانک استازي هینري کرالي وايي، د دې بېړنۍ
مالي مرستې برابرولو سره تمه دا ده چې افغانستان کې روغتیايي سیستم پیاوړی او دغه
هېواد کې د کورونا د ډېر خپرېدو مخه ونیول شي.
افغانستان کې د کورونا وېروس د مثبتو پېښو زیاتېدو سره څو هېوادونو
له افغانستان سره د همکارۍ ژمنه کړې ده.
د کورونا وېروس د نه خپرېدو لپاره حکومت په کابل، هرات، زرنج او
فراه کې پر تګ محدودیت لګولی دی.
کابل کې د دې ناروغانو زیاتېدو سره چارواکي د دې محدودیت د زیاتولو
خبره کوي
هیچ نظری موجود نیست:
ارسال یک نظر